Kökəlmək sağlamlıq üçün faydalıdır
"Artıq çəkinin bəzi hallarda sağlamlıq üçün faydalı ola biləcəyi sübut olunub" Son tədqiqatlar kökəlmənin yalnız mənfi nəticələrə gətirib çıxarmadığını göstərir. Kaliforniya Universitetində aparılan yeni araşdırma və digər elmi işlər göstərir ki, çəki normadan bir qədər çox olduqda bu, bəzən sağlamlığa müsbət təsir edə bilər.
Kaliforniya Universitetinin 400-dən çox yaşlı pasiyent üzərində apardığı araşdırmada məlum olub ki, bədən kütlə indeksi 25–29.9 arasında olan şəxslərdə əməliyyatlardan sonrakı ölüm halları cəmi 0.8% olub. Bu göstərici normal çəkiyə sahib olanlarla müqayisədə təxminən 20 dəfə azdır. Ən pis nəticələr isə çəkisi az olan insanlarda qeydə alınıb. Bundan əlavə, piy qatları bədəni soyuqdan qoruyur, davamlılıq və fiziki güc baxımından üstünlük yaradır.
Az miqdarda artıq piy orqan və toxumaları travmalardan qoruyur, xüsusilə yaşlı insanlar üçün bu, əhəmiyyətli müdafiə rolunu oynayır. Eyni zamanda, yağ toxuması enerji ehtiyatı kimi çıxış edir və orqanizmin xəstəlik və ya aclıq zamanı fəaliyyətini dəstəkləyir.
Mütəxəssislər xəbərdarlıq edir ki, bu məlumatlar piylənmənin sağlamlıq üçün təhlükəli olmadığını göstərmir. Patoloji piylənmə ciddi xəstəliklərə yol aça bilər. Lakin orta səviyyədəki artıq çəki bəzən insanın ümumi sağlamlıq durumuna müsbət təsir göstərə bilər.
