Üzümün sağlamlıq üçün “gizli“ faydası...
Hər gün üzüm yemək yuxunu yaxşılaşdırır, ürək- damar xəstəlikləri riskini azaldır, bağırsağı sağlam saxlayır, kimyəvi terapiyada ürəkbulanmasını aradan qaldırır
Üzüm beyin, ürək, dəri, hətta bel üçün faydalıdır. Onun tərkibində çoxlu miqdarda antioksidantlar, vitaminlər və minerallar var. Bu meyvə ilə gözəl qəlyanaltı etmək olar, salat üçün uyğundur və yoqurtla gözəl uzlaşır.
Bu barədə ABŞ- ın "Eat This, Not That" nəşri yazıb.
Əgər hər gün üzüm yesəniz, ürək- damar xəstəliklərinin riski azalacaq.
1. Üzüm yaxşı yatmağa kömək edir
Alimlər müəyyən edib ki, üzümün şərab növləri və ondan hazırlanan məhsullar (məsələn, üzüm şirəsi) melatonin maddəsinin təbii mənbəyidir. Melatonin yuxu hormonu adlandırılır. Bu təbii hormon baş beynin epifizi tərəfindən istehsal edilir.
Maraqlıdır ki, qaranlıq mehit epifizi melatonini ifraz etməyə sövq edir. Lakin bu hormondan qida əlavəsi kimi istifadə edilməsi sizə yaxşı yatmağa kömək edəcək.
2. Üzüm bağırsağın sağlamlığına dəstək verir
2009- cu ildə belə bir təcrübə aparılıb. Bağırsaq xərşəngindən əziyyət çəkən pasientlərə iki həftə ərzində üzüm verilib. Bu, bağırsaqda şişin inkişafına cavabdeh olan müəyyən genlərin ekspressiyasını aşağı salıb. Bu o demək deyil ki, üzümlə bağırsaq xərçəngini müalicə etmək olar, lakin bu, onu göstərir ki, üzüm yoğun bağırsağa kifayət qədər effektiv təsir göstərir və onu sağlam vəziyyətdə saxlayır.
3. Üzüm kimyəvi terapiyanın əlamətlərini zəiflətməyə kömək edir
Kimyəvi terapiyanın geniş yayılan əlavə təsirlərindən biri də ürəkbulanmasıdır.
Əgər dondurulmuş meyvə və giləmeyvələri, məsələn, üzüm və albalını ağız boşluğunda sorsaq, bu xoşagəlməz əlamət aradan qalxacaq. Bu zaman hər hansı soyuq və ya şirin bir nəsnəni sorsaq, bir qədər yüngüllük yaranacaq.
4. Üzüm uşaqlar üçün təhlükəli ola bilər
Uşaqlar üzümü xoşlayır. O, şirindir, araxis yağı, cem və köklü sendviçdən ibarət səhər yeməyinə çox gözəl əlavədir.
Lakin 5 yaşından kiçik uşaqlar üçün üzümü iki hissəyə bölüb vermək lazımdır ki, tənəffüs yoluna düşməsin.
