Öd kisəsi və öd yolları xəstəliklərinin müalicəsi

Öd kisəsi qarın boşluğunun yuxarı sağ tərəfində və qaraciyərin altında yerləşir. Öd saxlayan kiçik, armud şəkilli orqan. Bu maye qaraciyər tərəfindən hazırlanır. Müxtəlif yağların və vitaminlərin həzminə və udulmasına kömək edir. Yemək yeyildikdə müxtəlif stimullar öd kisəsinin büzülməsinə və ödün öd yolları vasitəsilə onikibarmaq bağırsağa çatmasına səbəb olur. Öd kisəsi və öd yolları xəstəliklərinin müalicəsində istifadə edilən ən effektiv üsullar:
1. Zirincin köklərini və yarpaqlarını xırda-xırda doğrayın. Ondan 20 qram götürüb 1 stəkan qaynar suda 15-20 dəqiqə dəmə qoyun. Bu dəmləmədən gündə 2 dəfə səhər və axşam 1 stəkan için. Bu, öd kisəsində daş əmələ gəlməsinin və öd yolu xəstəliklərinin qarşısını alır.
2. Yaz aylarında gicitkənin təzə yarpaqlarını və körpə zoğlarını ovucun içində duzla ovuşdurduqdan sonra yedikdə öd kisəsi təmizlənir. Onu bir həftə ərzində hər gün yemək lazımdır.
3. Ödotu bitkisinin çiçəklərindən 40 qram götürüb 2 stəkan qaynar suda 20-25 dəqiqə dəmləyib(qaynatmaq da olar), gündə 2 dəfə səhər və axşam 1 stəkan içmək öd kisəsinin tonusunu artırır və öd yollarını təmizləyir.
4. Gülümbahar bitkisinin qurudulmuş çiçəklərindən 20 qram götürüb 200 qram qaynar suda yarım saat dəmləyin və süzün. Bu dəmləmədən 1 həftə gündə 3 dəfə 2 xörək qaşığı için.