İldə bir dəfə yoxlanış – uzun ömür üçün kiçik addım

Ürək bütün orqanizmin fəaliyyətindən cavabdeh olan əsas orqandır. Stress, aktiv həyat tərzi və fiziki yüklənmələr ürəyə təsir edir. Mütəxəssislər, heç bir əlamət olmasa belə, ildə 1 dəfə ürək müayinəsindən keçməyi məsləhət görür.

Ürək müayinəsi – ürəyin və damarların fəaliyyətini yoxlamaq üçün aparılan müxtəlif analiz və aparat müayinələrinin toplusudur. Bu müayinələr ürək xəstəliklərini erkən aşkar etməyə, risk faktorlarını müəyyənləşdirməyə və vaxtında müalicəyə başlamağa kömək edir. Əgər təngnəfəslik, yorğunluq, ürəkdöyünmə, döş nahiyəsində ağrı və ya təzyiqdə dəyişiklik hiss edirsinizsə – dərhal həkimə müraciət etmək lazımdır!

Bəs ürək müayinəsinə nə daxildir?

1. EKQ (Elektrokardioqramma) – ürək ritmini və fəaliyyətini qiymətləndirir.
2. ExoKQ (Exokardioqramma) – ürəyin strukturu və qan dövranını göstərir.
3. Qan analizləri: Ümumi qan analizi və biokimyəvi analiz (şəkər, xolesterin, trigliseridlər və s.).
4. Təzyiq ölçülməsi
5. Holter monitorinqi (sutkalıq EKQ – ritm pozuntuları üçün)
6. Stress testi (velotest və ya qaçış yolu ilə) – ürəyin fiziki yükləməyə reaksiyasını yoxlayır.